విశేషంగా అలరించిన దసరా ధూందాం.. జనసంద్రంగా మారిన రాంలీలా మైదానం..

విశేషంగా అలరించిన దసరా ధూందాం.. జనసంద్రంగా మారిన రాంలీలా మైదానం.. 

 నవ్వులు పూయించిన జబ్బర్డస్త్ కళాకారుల కిట్స్.        

- జానపదాలకు జేజేలు పలికిన జనం..

- జానులిరి నృత్యాలకు చిందులేసిన యువత..

........................................................

ప్రజాగాయకులు, రాష్ట్ర సాంస్కృతిక సారథి ఛైర్మెన్, మానకొండూర్ శాసనసభ్యులు శ్రీ.రసమయి బాలకిషన్ గారి సారధ్యంలో నిర్వహించిన దసరా ధూందాం ప్రజలను విశేషంగా అలరించింది. 

మానకొండూర్ నియోజకవర్గంలోని తిమ్మాపూర్ మండలం మహాత్మానగర్ LMD  కాలనీలో ఈరోజు దసరా పండుగ సంధర్బంగా నిర్వహించిన రాంలీలా దసరా ధూందాం కన్నుల పండువగా సాగింది. 

జబ్బర్డస్త్ ఫెమ్ అదిరే అభి, రాకేష్, రాజమౌళి, పొట్టి నరేష్, తన్మయిల కామెడీ కిట్స్ నవ్వులు పూయించగా, యూట్యూబ్ ఫోక్ స్టార్ సింగర్స్ లక్ష్మీ, లావణ్య, మామిడి మౌనిక, జంగిరెడ్డి, మౌనిక ఆలపించిన జానపదాలకు ప్రజలు జేజేలు పలికగా, జానులిరి చేసిన నృత్యాలకు యువత సైతం చిందులు వేశారు. 

 ఈ వేడుకలకు మానకొండూర్ మరియు కరీంనగర్ నియోజకవర్గాలకు చెందిన ప్రజలు, ప్రజాప్రతినిధులు, టీఆర్ఎస్ పార్టీ శ్రేణులు వేలాదిగా తరలి రావడంతో రాంలీలా మైదానం పూర్తిగా జనసంద్రంగా మారింది..