ఇల్లంతకుంట వార్తలు:
ఇల్లంతకుంటలోని వాణీనికేతన్ హైస్కూల్ లో ముందస్తుగా ఆంగ్ల నూతన సంవత్సర వేడుకలు ఘనంగా ప్రారంభం అయ్యాయి. పాఠశాల ఆవరణలో గడిచిన సంవత్సరానికి వీడ్కోలు పలుకుతూ నూతన సంవత్సరానికి స్వాగతం పలికారు. ఈసందర్భంగా కేక్ కట్ చేయడంతో పాటు విద్యార్థుల సాంస్కృతిక కార్యక్రమాలు ఆకట్టుకున్నాయి . పాఠశాల కరస్పాండెంట్ తూముకుంట శ్రీనివాస్ రెడ్డి మాట్లాడుతు నూతన సంవత్సరంలో ప్రతి ఒక్కరి జీవితాల్లో వెలుగులు వెల్లివిరియాలని కోరారు. ప్రపంచాన్ని వనికిస్తున్న కరోనా మహమ్మారి అంతరించిపోవాలని ఆకాంక్షించారు. కార్యక్రమంలో ప్రిన్సిపాల్ శ్రీనిధి, ఉపాద్యాయులు శ్రీనివాస్, తిరుపతి, మల్లేశం, రాజు, రఘు, తిరుపతి, శోభ, సుమంగళి, అనిత_మౌనిక, ఉష, రేఖ, దేవయాని.మహాలక్ష్మిలతో పాటు విద్యార్థులు పాల్గొన్నారు.
