డా.బీఆర్.అంబేద్కర్ జాతరను విజయవంతం చేయండి.

డా.బీఆర్.అంబేద్కర్ జాతరను విజయవంతం చేయండి.         

 రాష్ట్ర సాంస్కృతిక సారథి ఛైర్మెన్ మరియు మానకొండూర్ శాసనసభ్యులు డా.రసమయి బాలకిషన్

ఇల్లంతకుంట వార్తలు వెబ్సైట్ www.ellanthakunta.in

మానకొండూర్ నియోజకవర్గ కేంద్రంలోని ప్రభుత్వ బాలుర ఉన్నత పాఠశాల మైదానంలో ఈనెల 14న, మద్యాహ్నం: 3.00 గంటలకు నిర్వహించే భారత రాజ్యాంగ నిర్మాత డా.బీఆర్. అంబేద్కర్  జాతరకు అధిక సంఖ్యలో తరలి వచ్చి విజయవంతం చేయాలని రాష్ట్ర సాంస్కృతిక సారథి ఛైర్మెన్ మరియు మానకొండూర్ శాసనసభ్యులు డా.రసమయి బాలకిషన్ కోరారు

 ఈరోజు  మానకొండూర్లోని ప్రభుత్వ బాలుర ఉన్నత పాఠశాల మైదానాన్ని పరిశీలించారు

 ఈ సంధర్బంగా రసమయి  మాట్లాడుతూ ఈనెల 14న, మహనీయుడు అంబేద్కర్ గారి జయంతి పురస్కరించుకొని ప్రత్యేకంగా జాతర కార్యక్రమాన్ని ఏర్పాటు చేసినట్లు వివరించారు.  

 మధ్యాహ్నం 2.30 గంటలకు మానకొండూర్ చెరువు కట్ట వద్ద గల అంబేద్కర్ విగ్రహం వద్ద నుంచి వివిధ కళా రూపాలతో భారీ ర్యాలీగా పల్లెమీద గల ప్రభుత్వ బాలుర ఉన్నత పాఠశాల మైదానంలో ఏర్పాటు చేసిన సభా ప్రాంగణానికి చేరుకోవడం జరుగుతుందన్నారు.

 ముచ్చటగా 3.00 గంటల పాటు ప్రముఖ కళాకారులచే ఆటా పాటా ధూంధాం సాంస్కృతిక కార్యక్రమాలు కొనసాగుతాయని చెప్పారు 

 ఈ జాతరకు మానకొండూర్ నియోజకవర్గంలోని అన్ని గ్రామాలకు చెందిన ప్రజాప్రతినిధులు, టిఆర్ఎస్ పార్టీ శ్రేణులు, అంబేద్కర్, దళిత సంఘాల ప్రతినిధులు మరియు ప్రజలు అధిక సంఖ్యలో తరలి వచ్చి విజయవంతం చేయాలని ఎమ్మెల్యే రసమయి గారు పిలుపునిచ్చారు.