౼ బస్సు సౌకర్యం లేక గ్రామ ప్రజలకు ఇబ్బంది
౼ ప్రక్కనే ఉన్న గ్రామాలకు వెళ్లి బస్సు ఎక్కాల్సిన దుస్థితి
సామాజిక సారథి ,ఇల్లంతకుంట
రాజన్న సిరిసిల్ల జిల్లా ఇల్లంతకుంట మండలం లోని పల్లపట్ల గ్రామానికి ఆర్టీసీ బస్సు సదుపాయం లేక ప్రజలు ఇబ్బంది పడుతున్నారు . ముఖ్యంగా విద్యార్థులు మరియు వైద్యము నిమిత్తం వెళ్లేవారు ఎక్కువగా కరీంనగర్ వెళ్లాల్సి వస్తుంది. బస్సు సదుపాయం లేక విద్యార్థులు గ్రామ ప్రజలు రాత్రి సమయాల్లో గ్రామానికి చేరడానికి ఇబ్బంది పడుతున్నారు. బస్సు సదుపాయం లేక ప్రక్కనే ఉన్న పాండవుల పురం, కట్కూరు , పొత్తూర్ గ్రామాలకు వెళ్లాల్సి వస్తుంది. కావున ప్రజా ప్రతినిధులు దృష్టి సారించి బస్సు సదుపాయం కల్పించాలని గ్రామ ప్రజలు కోరుతున్నారు.
