ఎద్దు ఎడిసిన ఎవుసం రైతు ఎడిసిన రాజ్యం బాగుపడినట్టు చరిత్రలో లేదు
ఇల్లంతకుంట వార్తలు వెబ్సైట్ ( www.ellanthakunta.in )
ఇల్లంతకుంట మండలం సోమారంపేట గ్రామంలో
చేరుకుపెల్లి రాజిరెడ్డి తన ఇంటి పైన నల్ల జెండాఎగుర వేసి నిరసన తెలపి, 200 మంది రైతులతో గ్రామపంచాయితీ ముందు కొనాలని పోరాటం రైతుబతుకుల ఆరాటం, పంజాబ్‌ వడ్లు కొంటరెట్లా.. తెలంగాణ వడ్లు కొనరెట్లా’, బీజేపీ పాలన బలిపీఠం- రైతు బతుకులతో చెలగాటం’, దేశం కోసం ధర్మం కోసం వడ్లు కొనాలి’ అంటూ నినదించి నరేంద్రమోడి దిష్టి బొమ్మ దగద్దం చేసినారు.
అనంతరం చేరుకుపెల్లి రాజిరెడ్డి మాట్లాడుతూ తెలంగాణలో పండిన యాసంగి ధాన్యాన్ని కేంద్ర ప్రభుత్వం కొనుగోలు చేయాల్సిందేనని అన్నారు. వడ్లు కొనకుండా రైతులను ఆగం చేస్తే చూస్తూ ఊరుకోబోమని హెచ్చరించారు. వడ్లు కొంటామని ఒకరు, కొనబోమని మరొకరు.. నూకలు తినాలని ఇంకొకరు.. తెలంగాణ ప్రజలతో చెలగాటం ఆడుతున్నారని ఆగ్రహం వ్యక్తంచేసినారు.
తెలంగాణ రైతు బతుకుల్లో చీకటి నింపేలా కుట్రలు చేస్తున్న బీజేపీ రాష్ట్ర అధ్యక్షుడు బండి సంజయ్‌, కేంద్ర మంత్రి కిషన్‌రెడ్డిలపై నిప్పులు చెరిగారు.
ఇట్టి కార్యక్రమంలో సర్పంచ్ కాచం శ్రీనివాస్ రెడ్డి, వార్డు సభ్యులు :నలువాల రాజు యాదవ్, జ్యోతి, సునీత, రూప, తెరాస గ్రామ శాఖ అధ్యక్షులు బోల్గమ్ నర్సయ్య గౌడ్ ,ఉపాధ్యక్షులు బాలరాజు,మాజీ సర్పంచులు, మాజీ వార్డుసభ్యులు, తెరాస నాయకులు, అన్ని కులసంఘాల సభ్యులు, మహిళలు రైతులు తదితరులు పాల్గొన్నారు.
